聽日終於出冊喇,好開心呀~
唔知今晚會唔會開心到訓唔到~
呢幾日我淨係係醫院等,等,等同等~
悶死我喇~

嘩...好耐冇用過呢個BLOG 了。
估唔到一用一打第一篇就無左=.=
早幾日因為頭暈走左去睇醫生
醫生話係貧血就抽左D 血去驗.唔驗又自可,驗左就知死.白血球成160呀。
咁唔洗問就更係要入院啦，抽左骨髓痛到死咁濟。
第二日就出左報告係復發嚕..要立即落一連串既化療.
誰知當晚突然透唔到氣好辛苦,連叫姑娘既力氣都冇.想禁鐘又摸唔到粒制.我幾驚我會死呀.
幸好最後都禁到,醫生話要入ICU 同插喉幫助呼吸呀,過程好辛苦.
咁就住左4日了.今日終於離開ICU.好開心.